Apple корпорациясының тек Apple брендінің өнімдері үшін бір (1) жыл шектеулі кепілдігі

ТҰТЫНУШЫ ЗАҢЫ

Apple корпорациясының бір жыл шектеулі кепілдігі ерікті өндіруші кепілдігі болып табылады. Ол сәйкес емес тауарларға қатысты құқықтарды қоса алғанда, тұтынушы заңымен берілетін құқықтардан бөлек құқықтарды береді.

Сондықтан, Apple бір жыл шектеулі кепілдігінің артықшылықтары тұтынушы заңымен берілетін құқықтардың орнына емес, керiciнше оларды
толықтырады.

Тұтынушылар қызметті Apple бір жыл шектеулі кепілдігіне сәйкес немесе тұтынушы заңы құқықтарына сәйкес алуды таңдау құқығына ие.

Маңызды: Apple бір жыл шектеулі кепілдігінің шарттары мен талаптары тұтынушы заңы шағымдарына қолданылмайды.

Тұтынушы заңы туралы қосымша ақпарат алу үшін Apple веб-торабына (www.apple.com/legal/warranty/statutoryrights.html) кіріңіз немесе жергілікті тұтынушы ұйымына хабарласыңыз.

БҰЛ КЕПІЛДІК НЕНІ ҚАМТИДЫ?

Apple Distribution International корпорациясы, Hollyhill Industrial Estate Hollyhill, Корк, Ирландия Республикасы (немесе құқық мирасқоры) («Apple») бастапқы орауышта қамтылған Apple брендінің жабдық өнімі мен қосымша құралдарының («Apple өнімі») материалдары мен өндіру сапасының ақаулықтарына Apple корпорациясының пайдаланушы нұсқаулықтарына, техникалық сипаттарына және Apple өнімінің өзге жарияланған нұсқауларына сәйкес пайдаланылған кезде түпкі тұтынушының бастапқы сатып алған күнінен бастап БІР (1) ЖЫЛ мерзімге кепілдік береді («Кепілдік мерзімі»). Сіз дүниежүзінің көптеген аймақтарында жергілікті Apple қызметтік нысандары арқылы Apple өнімі үшін Бір жыл шектеулі кепілдікке сәйкес қол жетімді түзету шараларын ала аласыз («Кепілдік қызметтерін алу» бөлімін қараңыз).  Материалдары мен өндіру сапасының ақаулығы жағдайында, сіз Apple өнімін тіпті үшінші тараптан сатып алған жағдайларда да шағымдарыңызды Apple корпорациясына жөнелте аласыз.

Ескертпе: Apple бір жыл шектеулі кепілдігіне сәйкес жіберілген барлық шағымдар осы кепілдік құжатында көзделген шарттармен реттеледі.

Сонымен қатар, Apple корпорациясы Apple өнімдері жеткізілгеннен кейін тоқсан (90) күн мерзімге сізге телефон арқылы техникалық қолдауға қатынас береді.

БҰЛ КЕПІЛДІК НЕНІ ҚАМТЫМАЙДЫ?

Бұл кепілдік тіпті Apple жабдығымен оралған немесе сатылған болса да, Apple брендіне жатпайтын жабдық өнімдеріне немесе бағдарламалық жасақтамасына қолданылмайды.

Apple брендіне жатпайтын өнімдердің тұтынушы заңы құқықтарына сәйкес берiлетiн артықшылықтарына қоса, өндіруші кепілдігінің артықшылығы болуы мүмкін - толық мәліметтерді өнім қорабынан және нұсқаулығынан қараңыз.

Бағдарламалық жасақтаманы пайдалануға қатысты құқықтар туралы мәліметтер алу үшін бағдарламалық жасақтамамен жеткізілетін лицензиялау келісімін қараңыз.

Жеткізу және қолдану ақыларын төлемей қызметті Еуропалық Экономикалық Аймақ (ЕЭА) елдерінде және Швейцарияда ала аласыз.  Осы аймақтан тыс қызмет опциялары шектеулі болуы мүмкін. Егер белгілі бір қызмет опциясы осындай елде Apple өнімі үшін қол жетімді болмаса, Apple корпорациясы немесе оның өкілі қызметті жеткізу алдында сізге қолданылуы мүмкін жеткізудің және қолданудың қосымша ақылары жөнінде хабарлайды.  Apple корпорациясының Apple дүкені немесе Apple өкілетті қызмет провайдері («AASP») бар елдерде жеткізу және қолдану ақылары қолданылмайды (ағымдағы қызмет орындарының тізімі support.apple.com/kb/HT1434 веб-торабында берілген).

Apple корпорациясына телефон арқылы хабарласқан кезде қоңырау ақылары орналасқан жерiңiзге қарай қолданылуы мүмкін. Толық мәліметтер алу үшін желі операторына хабарласыңыз.

Бұл кепілдік мыналарға қолданылмайды: (a) материалдарының немесе өндіру сапасының ақаулықтарына байланысты болмаса, уақыт өте келе қуаты азаятындай жасақталған батареялар немесе қорғауыш қаптамалар сияқты шығыс құралдары; (b) материалдарының немесе өндіру сапасының ақаулықтарына байланысты болмаса, ұсақ зақым, соның ішінде, бiрақ порттардағы сызумен, жаншумен және сынған пластмассамен шектелмейді;  (c) Apple өнімінің техникалық сипаттарына сәйкес келмейтін үшінші тарап бөлшегімен немесе өнімімен пайдалану нәтижесіндегі зақым (Apple өнімінің техникалық сипаттары www.apple.com торабында әрбір өнімнің техникалық сипаттары ішінде және дүкендерде қол жетімді); (d) келеңсіз оқиға, дұрыс пайдаланбау, өрт, жер сілкіну немесе басқа сыртқы себеп нәтижесіндегі зақым; (e) Apple өнімін пайдаланушы нұсқаулығынан, техникалық сипаттарынан немесе Apple өнімінің өзге жарияланған ережелерiнен тыс пайдалану нәтижесіндегі зақым; (f) Apple корпорациясының өкілі немесе Apple өкілетті қызмет провайдері («AASP») емес тұлға орындаған қызмет (соның ішінде жаңарту және кеңейту) нәтижесіндегі зақым; (g) Apple корпорациясының жазбаша рұқсатынсыз функциялары немесе мүмкіндіктері өзгертілген Apple өнімі; (h) қалыпты тозу нәтижесіндегі немесе Apple өнімінің қалыпты ескіруіне байланысты ақаулықтар; (i) егер сериялық нөмірі Apple өнімінен алынып тасталған немесе сүртілген болса немесе (j) егер Apple корпорациясы құқық қорғау органдарынан өнімнің ұрланғаны туралы ақпарат алса немесе егер қосылған өту кодын ажырата алмасаңыз немесе Apple өніміне рұқсатсыз қатынастың алдын алуға арналған басқа қауіпсіздік шараларын орындай алмасаңыз және өнімнің өкілетті пайдаланушысы екеніңізді мүлдем дәлелдей алмасаңыз (мысалы, сатып алғаныңыздың дәлелін көрсетіп).

МАҢЫЗДЫ ШЕКТЕУЛЕР

Apple корпорациясы Apple TV функциясына арналған кепілдік қызметін Apple немесе оның Өкілетті сатушылары құрылғыны сататын елдерге шектей алады.

Ұялы қамтуы бар iPad құрылғыларына және iPhone құрылғыларына қатысты, кепілдік Еуропалық Экономикалық Аймақ (ЕЭА) елдерінде және Швейцарияда қызмет қамтуын ұсынады. Осы аймақтан тыс қызмет опциялары Apple корпорациясының бақылауынан тыс техникалық мәселелерге байланысты шектеулі болуы мүмкін – ұялы қамтуы бар iPad құрылғыларына және iPhone құрылғыларына қатысты ақпарат бойынша www.apple.com/iphone/LTE/ және www.apple.com/ipad/LTE/ веб-торабын қараңыз.
iPad құрылғыларына қатысты Apple корпорациясының бақылауынан тыс WiFi қосылымы айырмашылықтарына байланысты кепілдік Қытайда қызмет қамтуын ұсынбайды.

СІЗДІҢ ЖАУАПКЕРШІЛІКТЕРІҢІЗ

ЕГЕР APPLE ӨНІМІ БАҒДАРЛАМАЛЫҚ ЖАСАҚТАМАНЫ, ДЕРЕКТЕРДІ ЖӘНЕ БАСҚА МӘЛІМЕТТЕРДІ САҚТАЙ АЛСА, СІЗ МАЗМҰНЫН ҚОРҒАУ ЖӘНЕ ОРЫН АЛУЫ ЫҚТИМАЛ ЖҰМЫС АҚАУЛЫҚТАРЫНА ҚАРСЫ САҚТЫҚ ШАРА РЕТІНДЕ APPLE ӨНІМІНІҢ САҚТАУ ҚҰРАЛЫНДА ҚАМТЫЛҒАН МӘЛІМЕТТЕРДІҢ САҚТЫҚ КӨШІРМЕЛЕРІН ЖИІ ЖАСАП ТҰРУЫҢЫЗ ҚАЖЕТ.

Apple өнімін кепілдік қызметі үшін тапсырмас бұрын, сақтау құралындағы мазмұнның бөлек сақтық көшірмесін жасау, барлық жеке мәліметтерді алып тастау және барлық қауіпсіздік құпия сөздерін ажырату қажет. Apple өнімінің сақтау құралының мазмұны қызмет барысында өшірілуі, ауыстырылуы және / немесе қайта пішімделуі мүмкін.

Кепілдік қызметінен кейін Apple өнімі немесе ауыстырылатын өнім қолданылатын жаңартуларды есепке ала отырып, Apple өнімі бастапқыда сатылған кезде қалай конфигурацияланса, солай сізге қайтарылады. Apple корпорациясы Apple өнімінің жүйе бағдарламасының алдыңғы нұсқасына келтірілуін болдырмайтын кепілдік қызметі аясында жүйе бағдарламасының жаңартуларын орната алады. Apple өніміне орнатылған үшінші тарап бағдарламалары жүйе бағдарламасы жаңартуының нәтижесінде Apple өнімімен үйлесімді болмауы немесе жұмыс істемеуі мүмкін. Сіз барлық басқа бағдарламалық жасақтаманы, деректерді және мәліметтерді қайта орнатуға жауапты боласыз. Басқа бағдарламалық жасақтаманы, деректерді және мәліметтерді қалпына келтіру және қайта орнату осы кепілдікке сәйкес қамтылмайды.

Сіз қызметті сатып алған ел болып табылмайтын елде ала аласыз, осындай жағдайда сіз барлық қолданылатын импорттау және экспорттау заңдары мен талаптарын сақтайсыз және барлық кедендік баждарға, Қосылған құн салығы және басқа қатысы бар салықтар мен ақыларға жауап бересіз.

Маңызды: Apple өніміне тіркелетін қорғауыш қақпақтарын ашу немесе шешу әдісі Пайдаланушы нұсқаулығында сипатталмаса, Apple өнімін ашуға әрекеттенбеңіз. Apple өнімін ашу немесе қорғауыш қақпақтарын алып тастау осы Кепілдікпен қамтылмайтын зақымға әкелуі мүмкін. Тек Apple корпорациясы немесе AASP қызметті осы Apple өнімінде орындауы қажет.

КЕПІЛДІК ШАҒЫМЫ ЖАҒДАЙЫНДА APPLE КОРПОРАЦИЯСЫ НЕ ІСТЕЙДІ?

Егер кепілдік мерзімі ішінде осы кепілдікке сәйкес Apple корпорациясына шағым түсірсеңіз, Apple корпорациясы өз қалауымен мына әрекеттерді орындайды:

(i) жаңа немесе өнімділігі және сенімділігі жағынан жаңаға тең бұрын пайдаланылған бөліктер арқылы Apple өнімін жөндеу немесе

(ii) Apple өнімін жаңа және/немесе өнімділігі мен сенімділігі жағынан жаңаға тең бұрын пайдаланылған бөліктерден құрылған үлгісі бірдей (немесе сіздің рұқсатыңызбен функциялары ұқсас) өніммен ауыстыру немесе

(iii) Apple өнімін қайтарып, сатып алу бағасын кері алу.

Өнім немесе бөлік ауыстырылу немесе сатып алу бағасы кері берілу кезінде ауыстырылатын зат меншігіңізге айналады және ауыстырылатын немесе бағасы кері берілетін зат Apple корпорациясының меншігіне айналады.

Ауыстырылатын бөлік немесе өнім немесе жөнделген Apple өнімі, қайсысы ұзағырақ болса, бастапқы Apple өнімінің қалған кепілдігін немесе ауыстыру немесе жөндеу күнінен бастап тоқсан (90) күнді қабылдайды.

Apple өнімі сатып алынған елден басқа елде сұралған қызмет үшін Apple корпорациясы өнімдерді және бөліктерді жөндей немесе салыстырмалы өнімдермен және жергілікті стандарттарға сәйкес келетін бөліктермен ауыстыра алады.

КЕПІЛДІК ҚЫЗМЕТІН ҚАЛАЙ АЛАМЫН?

Кепілдік қызметін сұрау алдында мына желілік анықтама ресурстарына кіріп, қарап шығыңыз:

Халықаралық қолдау туралы ақпарат
www.apple.com/support/country

Apple өкілетті қызмет провайдерлері, Apple өкілетті сатушылары және Apple дүкені
support.apple.com/kb/HT1434

Apple қолдауы және қызметі
www.apple.com/support/contact/phone_contacts.html

Apple қосымша қолдауы
www.apple.com/support/country/index.html?dest=complimentary

Егер Интернет қатынасы болмаса немесе Apple өнімі осы ресурстарды пайдаланғаннан кейін бәрібір дұрыс істемесе, Apple өкіліне немесе егер қолданылса, Apple меншігіндегі бөлшектік сауда дүкеніне («Apple дүкені») немесе AASP хабарласыңыз және олар Apple өнімінің қызметті талап ететінін анықтауға көмектеседі және сол жағдайда Apple корпорациясының төменде көрсетілген кепілдік қызметі опцияларының қайсысының негiзiнде сізге қызмет көрсететінiн хабарлайды.

Кепілдік қызметін алу алдында Apple корпорациясы немесе оның өкілдері сізден сатып алу деректерінің дәлелін беруді, ықтимал ақаулықтарды анықтауға көмектесетін сұрақтарға жауап беруді және төменде сипатталғандай пошта қызметін алған кезде Apple өнімдерін орау және жеткізу нұсқаулары сияқты Apple корпорациясының кепілдік қызметін алу рәсімдерін орындауды талап ете алады.

КЕПІЛДІК ҚЫЗМЕТІНІҢ ОПЦИЯЛАРЫ

Apple корпорациясы кепілдік қызметін мына опциялар арқылы ұсынады:

(i) Тасу қызметі. Apple корпорациясы Apple өнімін Apple дүкеніне немесе тасу қызметін ұсынатын AASP орнына қайтаруды сұрай алады. Apple өнімі қызмет көрсету үшін Apple жөндеу қызметі («ARS») орнына жіберілуі мүмкін. Осы қызметтің аяқталғаны хабарланғаннан кейін, Apple корпорациясы Apple өнімінің ARS орнынан тікелей сiздiң мекенжайыңызға жіберілетінін хабарламаса, сіз Apple өнімін Apple дүкенінен немесе AASP орнынан кідіріссіз ала аласыз.

(ii) Пошта қызметі. Егер Apple корпорациясы қызметті пошта қызметі арқылы жеткізуді ұйғарса, Apple корпорациясы Apple өнімін ARS немесе AASP орнына жеткізуіңіз үшін төленген жөнелтпе құжаттарын және қажет болған кезде орауыш материалын және Apple өнімін тиісті түрде орау және жөнелту туралы нұсқауларды сізге жібереді. Қызмет аяқталғаннан кейін ARS немесе AASP орны Apple өнімін сізге қайтарады. Apple корпорациясы Apple өнімін орау және жөнелту әдісіне қатысты барлық нұсқаулар орындалған кезде мекенжайыңызға дейін және мекенжайыңыздан жеткізу үшін төлейді.

(iii) Өзің істе («DIY») қызметі. DIY қызметіне сәйкес Apple корпорациясы сізге ауыстырылатын өнімді немесе ешбір құралсыз ауыстыруға болатын тінтуір немесе пернетақта сияқты оңай ауыстырылатын бөліктерді немесе өнімнің қосымша құралдарын береді.  Ескертпе: Apple корпорациясы DIY қызметіне қатысты еңбек шығындарыңыз үшін жауапты болмайды. Ауыстыруда қосымша көмек қажет болған жағдайда Apple корпорациясына төменде көрсетілген телефон нөмірі арқылы хабарласыңыз немесе Apple дүкеніне немесе AASP орнына кіріңіз. Егер Apple корпорациясы қызметті DIY қызметі арқылы беруді ұйғарса, мына үдеріс қолданылады:

(a) Apple корпорациясы ауыстырылатын өнімді, бөлікті немесе қосымша құралды қайтаруды талап ететін қызмет: Apple корпорациясы ауыстырылатын өнімнің, бөліктің немесе қосымша құралдың бөлшектік бағасының және қолданылатын жеткізу шығындарының қамтамасыз ету үшін несие картасының авторизациясын талап етуі мүмкін. Apple корпорациясы ауыстырылатын өнімді, бөлікті немесе қосымша құралды сізге ауыстыру нұсқауларымен, егер қолданылса, ауыстырылатын өнімді немесе бөлікті қайтару талаптарымен жеткізеді. Егер нұсқауларды орындасаңыз, Apple корпорациясы несие картасының авторизациясын алып тастайды, сондықтан, сізден өнім немесе бөлік және орныңызға дейін және орныңыздан жеткізу үшін ақы алынбайды. Егер ауыстырылатын өнімді, бөлікті немесе қосымша құралды нұсқалғандай қайтара алмасаңыз немесе қызметке жарамсыз болып табылатын ауыстырылатын өнімді, бөлікті немесе қосымша құралды қайтарсаңыз, Apple корпорациясы рұқсат етілген сома үшін несие картасынан ақы алады. Егер сіз несие картасының авторизациясын бере алмасаңыз, қызмет сізге қол жетімді болмауы мүмкін және Apple корпорациясы қызмет үшін баламалы нұсқаларды ұсынады.

(b) Apple корпорациясы ауыстырылатын өнімді, бөлікті немесе қосымша құралды қайтаруды талап етпейтін қызмет: Apple корпорациясы ауыстырылатын өнімді, бөлікті немесе қосымша құралды орнату нұсқауларымен, егер қолданылса, ауыстырылатын өнімді, бөлікті немесе қосымша құралды жою талаптарымен бірге сізге ақысыз жеткізеді.

ЖАУАПКЕРШIЛIКТI ШЕКТЕУ

(i) Толық келісім:

Осы құжаттың басында көрсетілген өзіңізге тиесілі тұтынушы заңы құқықтарын қоспағанда, осы кепілдік құжатында көзделмеген барлық кепілдіктер, шарттар және өзге талаптар Apple бір жыл шектеулі кепілдігінен алынып тасталады. Кейбір елдер осындай кепілдіктердің, шарттардың және/немесе жанама талаптардың ұзақтығына шектеу қоюға рұқсат бермейді, сондықтан, жоғарыда сипатталған шектеу сізге қолданылмауы мүмкін.

(ii) Деректерге қатысты жауапкершіліктен бас тарту:

Apple корпорациясы Apple өнімінде сақталған мәліметтерге және / немесе деректерге тәуекелсіз және / немесе оларды жоғалтусыз осы кепілдікке сәйкес Apple өнімін жөндей алатынына немесе ауыстыра алатынына кепілдік бермейді, мәлімдеме жасамайды немесе қолға алмайды.

(iii) Міндеттеме шектеуі:

Қандай болмасын жағдайда Apple корпорациясы мыналар үшін жауап бермейді:

a) осы кепілдік құжатын бұзуымыз себеп болмаған шығындар;

b) өнімді сатып алған күнінде Apple корпорациясының осы кепілдік құжатын бұзуының тиісті түрде болжанатын салдары болмаған кез келген шығын немесе зақым; немесе

c) сіздің ісіңізге, кіріс жоғалтуға, деректер жоғалтуға немесе мүмкіндік жоғалтуға қатысты шығындар.

Осы кепілдік құжатының талаптары мыналарға қолданылмайды i) адам өлімі немесе дене жарақаты, (ii) алаяқтық немесе өрескел салғырттық; немесе (iii) алаяқтық дұрыс емес немесе шындыққа жанаспайтын мәлiметтер беру; немесе (iv) заңға сәйкес шектелмейтін немесе алынып тасталмайтын өзге жауапкершiлiк.

ЖАЛПЫ

Ешбір Apple сатушысына, өкіліне немесе қызметкеріне осы кепілдікке өзгерістер енгізуге, ұзартуға немесе толықтыруға рұқсат берілмейді.

Егер белгілі бір шарты заңсыз немесе заң күшімен қамтамасыз етілмейтін болса, ол кепілдіктен алынып тасталады және қалған шарттарының заңды күші немесе қамтамасыз етілуі қалпында қалады.

Бұл кепілдік Apple өнімін сатып алу орын алған елдің заңдарына сәйкес реттеледі және түсіндіріледі.

Беларусь, Украина, Қазақстан, Молдова, Армения, Әзірбайжан, Қырғызстан, Өзбекстан, Түркменстан не Тәжікстан елдерінде сатып алынған Apple өнімдерінің қызмет мерзімі үш (3) жылды құрайды.

© 2018 Apple Inc. Барлық құқықтары қорғалған. Apple және Apple логотипі — Apple Inc. корпорациясының АҚШ-тағы және басқа елдердегі тіркелген сауда белгілері.

020218-EMEA-VAD-Universal-Warranty-Kazakh-v1.3